काठमाडौं । नेपालको बैंक, वित्तीय संस्था तथा बीमा कम्पनीहरुमा लगानी गरेका एनआरएनहरुको नवौं अन्तर्राष्ट्रिय सम्मेलन आजबाट काठमाडौंमा सुरु भएको छ । नेपाल बाहिर बसोबास गर्ने नेपालीहरुको छाता संस्था एनआरएनको दुई दिने सम्मेलनले नयाँ नेतृत्व चयनका लागि बुधबार निर्वाचन पश्चात सम्पन्न हुनेछ ।
एनआरएनको नवौं अन्तर्राष्ट्रिय सम्मेलनको राष्ट्रपति विद्यादेवी भण्डारीले मंगलबार विहान उद्घाटन गरेकी छिन् । विश्वभरबाट सहभागी करिब दुई हजार पाँच सय प्रतिनिधिलाई सम्बोधन गर्दै राष्ट्रपति भण्डारीले गैरआवासीय नेपालीहरुलाई विदेशमा आर्जन गरेको सीप र पूँजीलाई नेपालमा ल्याउनका लागि आग्रह गरिन् । नेपालभन्दा बाहिर कम्पनीमा छ महिना बिताएका गैर आवासीय नेपालीहरुको साझा संस्थालाई सम्बोधन गर्दै राष्ट्रपति भण्डरीले यतिबेला मुलुकमा राजनीतिक स्थिरता कायम रहेकोले आर्थिक समृद्धिको लक्ष्य भेट्टाउन विदेशमा आर्जित लगानी स्वदेशमा ल्याउन आग्रह गरेकी छिन् ।
राष्ट्रपति भण्डारीले एनआरएनले नेपालको पूर्वाधार र सामाजिक क्षेत्रमा गरेको लगानीको प्रसंशा गर्दै आगामी दिनमा अझै बृद्धि गर्न आह्वान गरिन् । सोही कार्यक्रममा सरकारले घोषणा गरेको नेपाल भ्रमण वर्ष २०२० सफल पार्न सबैले भूमिका खेल्न आग्रह समेत गरिन् ।
