काठमाडौं । नेपाल स्टक एक्सचेन्ज(नेप्से)ले मार्जिन कारोबार सेवा सुरु गर्न ब्रोकरहरुलाई निर्देशन दिएको छ । सम्पूर्ण पूर्वाधार तयार भइसक्दा पनि मार्जिन कारोबार सेवा सुरु नगरेको भन्दै नेप्सेले ब्रोकरहरुका नाममा निर्देशन जारी गरेको हो ।
धितोपत्र बोर्डले असोज १ गते नेप्सेलाई परिपत्र जारी गर्दै मार्जिन कारोबार सुविधा कार्यान्वयनमा ल्याउन निर्देशन दिएपश्चात् नेप्सेले अनुमति प्राप्त ब्रोकर कम्पनीहरुलाई मार्जिन कारोबार सुविधा शीघ्र सञ्चालनमा ल्याउन निर्देशन दिएको हो।
