निःशुल्क बीमा भनेर भ्रम नछर्न बीमा समितिको चेतावनी, बैंकहरुलाई भ्रम नफैलाउन निर्देशन

7270

काठमाडौँ । विभिन्न बैंक, वित्तीय संस्था तथा कर्पोरेट हाउसहरुले बीमालाई निशुल्क भन्दै प्रचार गरिरहेको घट्नाप्रति बीमा समितिको ध्यानाकर्षण भएको छ । बीमा समितिले निशुल्क बीमा पाइन्छ भनेर भ्रम नछर्न सम्बद्ध सबैलाई निर्देशन दिएको छ ।

बीमा कम्पनीहरुको नियमनकारी निकाय बीमा समितिले भदौ २३ गते एक परिपत्र जारी गर्दै बीमा कम्पनीहरुलाई त्यस्तो निर्देशन दिएको हो । देशमा सञ्चालित विभिन्न उधोग, व्यवसाय एंव बैंक तथा वित्तीय संस्थालाई व्यवसायिक कारोबार गर्दा निशुल्क बीमा वा सित्तैमा बीमा प्रयोग नर्गन बीमा कम्पनीहरुलाई निर्देशन दिएको छ ।

बीमा समितिद्धारा जारी गरिएको परिपत्रमा देशमा संचालित विभिन्न उद्योग एवं बैंक तथा वित्तीय संस्थाहरुले आफ्नो व्यवसायिक कारोबारमा संचार माध्यमहरुबाट प्रचार प्रसार गर्दा ‘निःशुल्क बीमा’ वा ‘सित्तैमा बीमा’ जस्ता शब्दहरु राखेको पाइएको र यस्तो अभ्यासबाट बीमा क्षेत्रमा नकारात्मक असर पर्न जाने देखिएकोले बीमा समितिबाट इजाजत प्राप्त जीवन तथा निर्जीवन बीमा कम्पनीहरुलाई आफुले सहकार्य गरिएका संस्थामार्फत बीमा सेबा उपलब्ध गराउने कार्यमा ‘निःशुल्क’ वा ‘सित्तैमा’ शब्द राखी सम्झौता नर्गन तथा नगराउन समेत निर्देशन दिएको छ ।

साथै, बीमा कम्पनी समेतको सहकार्यमा हुने बीमा सेवाको प्रचार प्रसार सम्बन्धी कार्यमा बीमा कम्पनीको नाम समते अनिवार्य हुनेगरी सम्झौता गर्न पनि समितिले निर्देशन दिएको छ ।

बैंक तथा वित्तिय संस्थाहरुले जीवन बीमा कम्पनीसँग सहकार्य गरी खाता खोल्दा निशुल्क बीमा सुविधा भन्दै प्रचार गर्दै आएका थिए ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्