काठमाडौं । सञ्चालनमा रहेको २० वटा निर्जिवन बीमा कम्पनीहरु मध्ये चार वटा बीमा कम्पनीका शेयरधनीहरुले आव २०७४/०७५ को मुनाफाबाट लाभांश नपाउने भएका छन् । लाभांश नदिने बीमा कम्पनीहरुमा शिखर इन्स्योरेन्स, लुम्बिनी जनरल इन्स्योरेन्स कम्पनी, एनएलजी इन्स्योरेन्स र प्रभु इन्स्योरेन्स छन् ।
प्रभु इन्स्योरेन्स कम्पनीका प्रमुख कार्यकारी अधिकृत संचित बज्राचार्यले यसबर्ष एनएफआरएसको कारणले गर्दाे गर्दा लाभांस नदिने निर्णय गरेको बताए । उनले भने, ‘अर्को बर्ष एकैपटक दुई बर्षको लाभांस शेयरधनीलाई दिन प्रयास गछौ ।’
यी तीन कम्पनीले साधारण सभाको मिति तय गरेतापनि लाभांश घोषणा भने नगर्ने भएका छन् । वित्तीय विवरण प्रकाशनको क्रममा एनएफआरएसको कारण देखाउदै लांभास घोषणा गर्न नपाएका हुन् ।
प्रभु इन्स्योरेन्सले साधारणसभाको मिति तय गरिसकेको छ । इन्स्योरेन्सले आफ्नो २३ औं वार्षिक साधारण सभा साउन १७ गते गर्ने भएको छ । त्यस्तै शिखर इन्स्योरेन्सले पनि साधारणसभाको मिति घोषणा गरिसकेको छ । इन्स्योरेन्सले साउन २८ गते चौधौँ वार्षिक साधारणसभामा गर्ने भएको छ ।
त्यसैगरी लुम्बिनी जनरल इन्स्योरेन्स कम्पनीले साधारणसभा साउन २९ गर्ने भएको छ । कम्पनीले यस बर्ष लगानीकर्तालाई कुनै प्रकारको लाभांश नदिने भएको हो । कम्पनीले हाल कायम रहेको चुक्ता पुँजीको २० प्रतिशत दरले हकप्रद बिक्रि गर्ने प्रस्ताव सभामा लैजाने भएको हो ।
लुम्बिनी जनरल इन्स्योरेन्स कम्पनी नायव प्रमुख कार्यकारी अधिकृत बिनोदकाजी श्रेष्ठले एनएफआरएसको कारणले गर्दा यसमा समस्या आएको बताए ।
त्यस्तै, एनएलजी इन्स्योरेन्सले २०७४/७५ को लाभाशं घोषणा नगर्ने भएको छ । बीमा समितिबाट जारी निर्जीवन बीमकको वित्तीय विवरण सम्बन्धी निर्देशन बमोजिम तयार पारिएको नेपाल फाइनान्सियल रिपोर्टिङ स्टान्डर्ड अन्तर्गतको वित्तीय विवरण तयार गर्दा जगेडा तथा व्यवस्थाहरु कायम गर्नुपर्ने भएकाले कम्पनीले २०७४ /७५ मा लाभांश घोषणा नगरेको कम्पनीले जनाएको छ ।
