नेपाल पुनर्बीमा कम्पनीको तेश्रो त्रैमास कस्तो रह्यो ?

276

नेपाल पुनर्बीमा कम्पनीले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।८ अर्ब ४० करोड रुपैयाँ चुक्ता पूँजी भएको कम्पनीले चैत मसान्तसम्म जीवन बीमा व्यवसाय तर्फ ९ करोड ९ लाख  रुपैयाँ खुद नाफा आर्जन गरेको छ । गत आर्थिक वर्षको सोही अवधिमा कम्पनीले ४ करोड २८ लाख  रुपैयाँ खुद नाफा कमाएको थियो।

निर्जीवन बीमातर्फ ८० करोड ४ लाख  रुपैयाँ खुद नाफा आर्जन गरेको छ । गत आर्थिक वर्षको सोही अवधिमा कम्पनीले ६८ करोड ४५ लाख रुपैयाँ खुद नाफा आर्जन गरेको थियो।

निर्जीवन कम्पनीले  जीवन बीमा व्यवसायबाट २९ करोड ७४ लाख  रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले १७ करोड २८ लाख खुद बीमा शुल्क आर्जन गरेको थियो।

त्यस्तै निर्जीवन बीमा व्यवसायबाट ३ अर्ब २५ करोड  खुद बिमा शुल्क आर्जन गरेको छ । गत आर्थिक वर्षको सोही अवधिमा कम्पनीले १ अर्ब ५६ करोड  खुद बीमा शुल्क आर्जन गरेको थियो।

पुनर्बीमा कम्पनीले चालु आर्थिक वर्षको तेश्रो सम्ममा निर्जीवन बिमा तर्फ २ अर्ब ८ करोड  रुपैयाँ रिजर्भमा राखेको छ । गत आर्थिक वर्षको सोही अवधिमा कम्पनीले १ अर्ब ७५ करोड  रुपैयाँ रिजर्भ कोषमा राखेको थियो।

यस्तै, जीवन बीमातर्फ ३९ करोड ९४ लाख  रुपैयाँ रिजर्भमा रहेको छ । गत आर्थिक वर्षको सोही अवधिमा कम्पनीले सो  कोषमा १४ करोड ५८ लाख ३० हजार रुपैयाँ राखेको थियो।

पुनर्बीमा कम्पनीले चुक्ता पुँजी ८ अर्ब ४० करोड रुपैयाँ पुर्याएको छ । गत वर्ष यसै अवधिमा चुक्ता पुँजी ५ अर्ब रुपैयाँ मात्र रहेको थियो ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्