धितोपत्र बोर्डले दुई लघुवित्त वित्तीय संस्थाहरुलाई आइपीओ निस्काशनको अनुमति दिएको छ । बोर्डले आँधीखोला लघुवित्त वित्तीय संस्था र घोडाघोडी लघुवित्त वित्तीय संस्था लिमीटेडलाई आइपीओ निस्काशनको अनुमति दिएको हो ।
आँधीखोला लघुवित्त वित्तीय संस्थाले बोर्डबाट ४ करोड रुपैयाँ बराबरको आइपीओ निस्काशनको अनुमति पाएको हो भने घोडाघोडी लघुवित्तले १ करोड ३२ लाख ६ हजार रुपैयाँ बराबरको आइपीओ निस्काशनको अनुमति पाएको हो ।
आँधीखोला लघुवित्तको आइपीओलाई इक्रा नेपालले कमजोर आधार जनाउने ग्रेड फोरको ग्रेडिङ प्रदान गरेको छ । कम्पनीको आइपीओ निश्कासन तथा बिक्री प्रबन्धकमा एनआइबिएल एस क्यापिटल रहेको छ भने घोडाघोडी लघुवित्तको आइपीओको निश्काशन तथा बिक्री प्रबन्धकमा प्रभु क्यापिटल मार्केट लिमीटेड रहेको छ ।
