नेपाल इन्स्योरेन्सको लिलामी सेयर कति मूल्यमा बिक्यो ?

231

नेपाल इन्स्योरेन्स कम्पनी लिमिटेडको नबिकेको हकप्रदमा ३५६ रुपैयाँसम्म न्यूनतम मूल्य तोकेर लिलामी भर्नेले सेयर पाउने भएका छन् । बिक्री प्रबन्धक ग्लोबल आइएमई क्यापिटलका अनुसार सर्वसाधारण समूहको लिलामी सेयरमा कट अफ प्राइस प्रतिकित्ता ३५६ रुपैयाँ कायम भएको हो । यस आधारमा ३५६ रुपैयाँभन्दा कम भाउ राखेर बोलपत्र भर्नेले भने सेयर पाउने छैनन् । नेपाल इन्स्योरेन्सको बिहीबार नेप्सेमा प्रतिकित्ता ३८२ रुपैयाँमा अन्तिम कारोबार भएको थियो ।

नेपाल इन्स्योरेन्सले जेठ ५ गतेदेखि १ लाख ४७ हजार १०३।०८ कित्ता सेयर लिलामी खुला गरेको थियो । यसमध्ये सर्वसाधारण समूहको १ लाख ४४ हजार ५८१।३६ कित्ता रहेको छ । यता, संस्थापक समूहको पनि २ हजार ५११।७३ कित्ता सेयर लिलामीमा ल्याइएको हो । संस्थापक सेयरको कट अफ भाउ भने जानकारी गराइएको छैन । बोलपत्र शुक्रबार खोलिएको थियो ।

कम्पनीले यसअघि ६५ प्रतिशत हकप्रद सेयर निष्कासन गर्दा बिक्री नभएको सेयर लिलामी गरेको हो । कम्पनीले गत फागुन २१ देखि चैत्र २५ गतेसम्म हकप्रद सेयर बिक्री गरेको थियो ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्