हाल नेपालमा १९ वटा जीवन बीमा कम्पनीहरु सञ्चालनमा रहेका छन् । नेपालमा सञ्चालित १९ जीवन बीमा कम्पनीहरु मध्ये मिलियन डलर राउण्ड टेवल (एमडिआरटि) मा भने दुई कम्पनीले मात्रै सदस्यता लिन सकेका छन् । एमडिआरटिको सदस्यता लिने नेपालको पहिलो बीमा कम्पनी एलआइसी नेपाल हो । पछिल्लो समयमा कारोबारको लागि लाइसेन्स प्राप्त गरेको युनियन लाइफले एमडिआरटिको सदस्यता लिएको छ । सन् २०१९ को लागि एलआइसी नेपालका १८४ जना अभिकर्ताहरु योग्य भएका छन् भने ६ जना रजिष्ट्रेशन भईसकेका छन् । त्यस्तै पहिलो पटक एमडिआरटीको सदस्यता प्राप्त गरेकोे युनियन लाइफ इन्स्योरेन्सका १० जना अभिकर्ताहरु २०१९ को लागि चयन भएका छन् ।
एलआइसि र एमडिआरटि
नेपालका बीमा कम्पनीहरु मध्ये पहिलो पटक एलआइसी नेपालले यो संस्थाको सदस्यता प्राप्त गर्न सफल भएको थियो । मिलिनियम डलर राउण्ट टेबल (एमडिआरटि) मा रजिष्टर हुने पहिलो नेपाली महिला पनि एलआइसि नेपालकै अभिकर्ता थिईन् ।
युनियन लाइफ र एमडिआरटि
नेपाली बीमा बजारमा नयाँ बीमा कम्पनीका रुपमा परिचित नाम हो युनियन लाइफ इन्स्योरेन्स । स्थापनाको छोटो समयमै नेपाली बीमा बजारमा राम्रो छाप छोड्न सफल रहको युनियन लाईफ इन्स्योरेन्स कम्पनीले पनि एमडिआरटिको सदस्यता प्राप्त गरेको छ । कम्पनीमा आवद्ध १० जना अभिकर्ताहरु २०१९ को लागि एमडिआरटिमा चयन भएका छन् ।
एमडिआरटिको पूरा रुप हो मिलियन डलर राउण्ड टेवल । सन् १९२७ मा रजिष्टर भएको (एमडिआरटि) एक विदेशी संस्था हो । जहाँ ७२ देशका ५०० कम्पनी सामेल रहेका छन् । यसको प्रधान कार्यालय अमेरिकामा रहेको छ । यो संस्थामा बीमा क्षेत्र र फाइनान्सियल सेक्टरका मानिसहरु भाग लिन पाउँछन् ।
को को सामेल हुन पाउने व्यवस्था रहेको छ
सदस्यता लिएको कम्पनीले टार्गेट पूरा गर्न सफल इन्स्योरेन्स कम्पनी र फाइनान्सियल संस्थाले तोकेको समयमा टार्गेट पूरा गरेका व्यक्तिहरुले सहभागी हुन पाउने व्यवस्था रहेको छ । उक्त संस्थामा आवद्ध हुनेहरुले अमेरिकी ५५० डलर सहित दर्ता शु्ल्क पेश गर्नु पर्ने हुन्छ र एमडिआरटि नम्बर पाईन्छ ।
इन्स्योरेन्स तर्फ भने पहिलो वर्ष जनवरी १ देखि डिसेम्बर अन्तिम सम्म्मा ४० लाख २५ हजार रुपैयाँ प्रीमियम संकलन गर्न सफल अभिकर्तालाई कम्पनीले उक्त संस्थाको सेमिनारमा सहभागी हुन सक्नेछन् । साथै १२ लाख रुपैयाँ कमिशन आम्दानी गर्न सफल अभिकर्तालाई त्यहाँ जानका लागि कम्पनीले व्यवस्था मिलाएको हुन्छ ।
