हिमालयन जनरल इन्स्योरेन्स कम्पनीको चालु आर्थिक बर्ष २०७५/७६ को पहिलो त्रैमासमा बीमाशुल्क आर्जन ७२ प्रतिशतले बढेको छ । गत आवको सोही अवधिमा कम्पनीले २ करोड ६५ लाख बीमाशुल्क आर्जन गर्न सफल भएको थियो । यस आवको पहिलो त्रैमासको अवधिमा कम्पनीले ४५ करोड ८५ लाख रुपैयाँ बीमाशुल्क आर्जन गर्न सफल भएको छ ।
कम्पनीले प्रकाशन गरेको गत आवको पहिलो त्रैमासको वित्तिय विवरण अनुसार गत आवको अन्त्यसम्मा कम्पनीमा ९ हजार ९ सय ३३ बीमालेख कायम रहेको थियो । यो आवको सोही अवधिमा कम्पनीमा १३ हजार १ सय ३५ बीमालेख कायम रहेको छ ।
त्यस्तै, चालु आवको त्रैमाससम्ममा कम्पनीले ७ करोड ५१ लाख रुपैयाँ दाबी भुक्तानी गरेको छ । यो रकम अघिल्लो आवको सोही अवधिको तुलनामा ५९ प्रतिशतले बढी हो । कम्पनीले १ हजार २४१ वटा दाबीको भुक्तानी गरेको छैन ।
कम्पनीको जगेडा कोष ४३ प्रतिशतले बढेर १७ करोड २९ लाख रुपैयाँ पुगेको छ । अघिल्लो आवको सोही अवधिमा कम्पनीको जगेडा कोष १२ करोड रुपैयाँ थियो । कम्पनीको प्रति शेयर आम्दानी ३ दशमलव ९४ रुपैयाँ रहेको छ । यस्तै प्रति शेयर नेटवर्थ १५८ दशमलव ४८ रुपैयाँ छ भने प्रति शेयर कूल सम्पतीको मूल्य २४० दशमलव ७३ रुपैयाँ रहेको छ ।
