काठमाडौं: बुद्धभूमी नेपाल हाइड्रोपावर कम्पनी लिमिटेडले १२ लाख कित्ता आईपिओ जारी गर्ने भएको छ । कम्पनीले सर्वसाधारणका लागि १२ लाख कित्ता रुपैया १०० का दरले १२ करोडको साधारण सेयर निष्काशन गर्न विक्री प्रवन्धकमा सिभिल क्यापिटललाई नियुक्ति गरेको छ ।
कम्पनीले १२ लाख कित्ता शेयरमध्ये चार लाख कित्ता आयोजना प्रभावित क्षेत्रका वासिन्दा र ८ लाख कित्ता सर्बसाधारणका लागि छुट्याएको छ। आज शेयर निष्काशन सम्बन्धी सम्झौतामा सिभिल क्यापिटल मार्केट र बुद्धभूमी नेपाल हाइड्रोपावर कम्मनी बीच हस्ताक्षर भएको छ । सम्झौतामा सिभिल क्यापिटलका तर्फबाट निमित्त प्रमुख कार्यकारी अधिकृत सुमन आचार्य र बुद्धभूमी हाइड्रोपावरको तर्फबाट प्रवन्ध संचालक बलराम खतिवडाले हस्ताक्षर गरेका छन् ।
कम्पनीमा संस्थापक शेयर स्वामित्व ७० प्रतिशत र सर्वसाधारणको शेयर स्वामित्व ३० प्रतिशत रहने गरि पुजी संरचना मिलाइएको कम्पनीले जनाएको छ । हाल कम्पनीको चुक्ता पूँजी २८ करोड रहेको छ र साधारण शेयर निष्काशन पश्चात चुक्ता पूँजी ४० करोड कायम हुनेछ।
