इन्स्योरेन्स खबर/काठमाडौं: धितोपत्र बोर्डले सिटिजन्स बैङ्क इन्टरनेसनल लिमिटेडलाई एफपीओ निष्कासन गर्ने अनुमति दिएको छ।
बजारमा एफपीओ निष्कासन भएपछि बिक्री नहुने समस्या देखापरिरहेको बेला फेरी पनि सिटिजन्स बैङ्कको एफपीओले एक फेर राम्रै चर्चा पाउने देखिन्छ। एनएमबी बैङ्कले बल्ल बल्ल एफपीओ बिक्री गर्यो भने नेपाल बैङ्क लिमिटेडको अझै पुरै एफपीओ बिक्री हुन् सकेको छैन। बुटवलपावरको बिक्री नभएको एफपीओ कित्ता भने अण्डरराईटरले किन्नु परेको थियो ।
बोर्डले सिटिजन्स बैङ्कलाई १०० रुपैयाँ अंकित मूल्यमा १०० रुपैयाँ नै प्रिमियम थपी २०० रुपैयाँमा एफपीओ बिक्री गर्ने अनुमति दिएको छ।
बजारमा मङ्गलवार २३३ मा सिटिजन्स बैङ्कको शेयर कारोबार भएको थियो। बजार मूल्य र एफपीको मूल्यको बिच खासै ठुलो अन्तर नभएकाले यो एफपीओपनि सजिलै बिक्री नहुने समस्या आउने देखिन्छ।
सिटिजन्स बैङ्कले ४ लाख ६३ हजार ८२६ कित्ता एफपीओ बिक्री गर्ने छ। एफपिओ पछि बैङ्कको चुक्ता पुँजीमा ४ करोड ६३ लाख रुपैयाँ थपिनेछ भने प्रिमियम बराबरको ४ करोड ६३ लाख रुपैयाँ नै जगेडा कोषमा जाने छ ।
एफपिओ पछि संस्थापक र साधारण सेयर अनुपात ५१ः४९ कायम हुने छ।
