इन्स्योरेन्स खबर/काठमाडौं: सूर्या लाइफ इन्स्योरेन्स कम्पनीको १०औं वार्षिक साधारण सभा असार ३२ गते सम्पन्न भएको छ। साधारणसभाले लगानीकर्तालाई १२% बोनस सेयर दिने र कर प्रयोजनको लागि ०.६२% नगद लाभांश दिने प्रस्ताव पारित गरेको छ। सोही वार्षिक साधारण सभामा कम्पनीले ७० प्रतिशत हकप्रद शेयरको प्रस्ताव पारित गरेको छ।
१२ प्रतिशत बोनस शेयर पश्चात् कम्पनीको पुँजी १ अर्ब १३ करोड पुगेको छ। ७० प्रतिशत हकप्रद पश्चात् भने कम्पनीको पुँजी १ अर्ब ९२ करोड पुग्ने छ। हकप्रद पछि पनि कम्पनीले आफ्नो पुँजी ८ करोडले थप्नु पर्ने छ।
हेरौँ कम्पनीको अवस्था :
हाल कम्पनीको पुँजी १ अर्ब १३ करोड छ। जगेडा कोषमा ३५ करोड ३४ लाख रुपैयाँ छ भने जीवन बीमा कोषमा ३ अर्ब २२ करोड रुपैयाँ छ।
कम्पनीले १ अर्ब १० करोड कुल बीमा शुल्क आर्जन गरेकोमा १ अर्ब ४ करोड खुद बीमा शुल्क आर्जन गरेको छ।
त्यस्तै कम्पनीले १४ करोड ८६ लाख कुल दाबी भुक्तानी गरेको छ भने ९ करोड ९६ लाख खुद दाबी भुक्तानी गरेको छ।
कम्पनीमा ३ लाख २५ हजार बीमा लेख कायम छन्।
कम्पनीले भुक्तानी गर्न बाकि रकम ७८ लाख ४१ हजार रहेको छ।
कम्पनीले ९ महिनाको अवधिमा ९ करोड ७७ लाख रुपैयाँ खुद नाफा गरेको छ।
सबै जीवन बीमा कम्पनीको तुलनात्मक अध्ययन हेर्न यहाँ क्लिक गर्नुस
