इन्स्योरेन्स खबर/काठमाडौं: शेयर लगानीकर्ता संघले सरकारले आगामी आर्थिक बर्षको बजेटले पुंजी बजारको बिकाशमा सहयागी सिद्धहुने बिश्वाश राख्दै बजेटको स्वागत गरेको छ, साथी संघले अर्थमन्त्रीलाई धन्यवाद दिदै, सफल कार्यान्वयनको आशा राखेको बतएको छ ।
संघले बुधबार विज्ञप्ति जारी गर्दै धितोपत्र व्यवसायको भबिष्य उज्जवल रहेको भन्दै निकट भबिष्यमा आउन लागेको अनलाईन कारोबारले पुंजी बजारको विस्तारमा सहयोग पुग्ने बिश्वाश राखेको छ ।
संघले आफ्नो बिज्ञप्तिमा प्राईभेट इक्वीटि फण्ड, हेज फण्ड र भेन्चर फण्ड पूँजीबजारमा प्रवेश गराउने, बिमा कम्पनी र हाइड्रोपावर कम्पनीलाई प्रोत्साहन, भ्याट मुक्त पूँजीबजारको अवधारण, उत्पादन मुलक कम्पनीलाई अनिवार्य पूँजीबजारमा प्रवेश गराउने, ५० करोडको कम्पनीले सर्बसाधारण लाई शेयर जारी गरेमा कर छुटको व्यवस्था, नागरीक लगानी कोष, कर्मचारी संचयकोष र निक्षेप तथा कर्जा सुरक्षण कोषको नियमन गर्ने तथा डिलरसिपको जिम्मेवारी दिने व्यवस्था गरिने जस्ता कुरा अत्यन्त सकारात्मक रहेकोले आगामी आर्थिक बर्षको बजेटले शेयर बजार विस्तारित र विश्वसनिय बन्न योगदान पुग्ने बिश्वाश गरेको छ ।
सरकारले मंगलबार सार्वजनिक गरेको आगामी आर्थिक बर्षको बजेट मार्फत धितोपत्र कारोबारको कमिशसनमा भ्याट नलाग्ने घोषणा गरेको छ भने यसअघि भ्याट लाग्ने भनी निर्धारण गरिएको रकम समेत मिनाह गरेको छ ।
