काठमाडौं । मुलुकभर पछिल्लो २४ घण्टामा ३ हजार ४२ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा १७ हजार ६५४ जनाको आरटी–पीसीआर र एन्टिजेन विधिबाट परीक्षण गर्दा ३ हजार ४२ जनामा कोरोना संक्रमण पुष्टि भएको हो ।
यससँगै नेपालमा कोरोना भाइरस संक्रमितको कुल संख्या ८ लाख २३ हजार ६४७ पुगेको छ । पछिल्लो २४ घण्टामा देशभर २ हजार २४४ जना निको भएर घर फर्किएका छन् ।
यससँगै नेपालमा कोरोना संक्रमणमुक्त हुनेहरुको संख्या ६ लाख ९३ हजार ५४३ पुगेको छ । पछिल्लो २४ घण्टामा थप २६ संक्रमितको मृत्यु भएको छ ।
