बजारमा खरिद चाप बढेसँगै यो साता नेप्से परिसूचक २३.९५ अंकले बढेको छ । अघिल्लो साता नेप्से परिसूचक १,२४८.५४ को बिन्दुमा कायम भई बन्द भएको थियो भने यो साता नेप्से परिसूचक १,२७२.४९ को बिन्दुमा कायम भई बन्द भएको छ ।
यो साता दोस्रो बजारमा ८५ लाख ९९ हजार कित्ता शेयर खरिद विक्री हुँदा १ अर्ब ९० करोड ११ लाख रुपैयाँको कारोबार भएको छ भने अघिल्लो साता १ करोड १३ लाख ८७ हजार ५ सय २० कित्ता शेयर खरिद विक्री हुँदा २ अर्ब ६३ करोड रुपैयाँको कारोबार भएको छ ।
सो साता नेपाल बैंकको सबैभन्दा धेरै २० करोढ २१ लाख रुपैयाँको कारोबार भएको छ । यो साता टप टेन कारोबारभित्र पर्ने कम्पनीहरुमा नेपाल बैंक, सिवम् सिमेन्ट, नेपाल लाईफ इन्स्योरेन्स कम्पनी, नबिल बैंक, अपर तामाकोशी, नेपाल लाइफ इन्स्योरेन्स प्रोमोटर शेयर, एनआइसी एशिया बैंक, छिमेक लघुवित्त प्रोमोटर शेयर, सिभिल बैक र प्रभु बैंक रहेका छन् ।
