काठमाडौं । युनाइटेड इदी मर्दी एन्ड आरबी हाइड्रोपावरले चालु आर्थिक वर्षको दोस्रो त्रैमासको अपरिष्कृत वित्तीय विवरण सार्वजनिक गरेको छ। समीक्षा अवधिसम्म कम्पनीले २ करोड २० लाख रुपैयाँ नाफा आर्जन गरेको छ। अघिल्लो वर्ष यही अवधिसम्म कम्पनीले २ करोड ७६ लाख रुपैयाँ नाफा आर्जन गरेको थियो। समीक्षा अवधिमा नाफा २०.१९ प्रतिशतले घटेको छ।
दोस्रो त्रैमामसम्म विद्युत बिक्रीबाट कम्पनीले ९ करोड ४३ लाख रुपैयाँ आम्दानी गरेको छ। अघिल्लो वर्ष विद्युत बिक्रीबाट कम्पनीले १० करोड २० लाख रुपैयाँ आम्दानी गरेको थियो। विद्युत बिक्रीको आम्दानीमा पनि ७.४८ प्रतिशतको गिरावट आएको छ।
चुक्तापुँजी ४२ करोड रुपैयाँ रहेको कम्पनीको रिजर्भ र सरप्लसको आकार ३२.१३ प्रतिशतले बढेर ४ करोड ७२ लाख रुपैयाँको उचाइमा पुगेको छ। अघिल्लो वर्ष रिजर्भ र सरप्लसमा ३ करोड ५७ लाख रुपैयाँ थियो।
कम्पनीको वार्षिक प्रतिशेयर आम्दानी (ईपीएस) १०.५० रुपैयाँ, पीई रेसियो ३९.५४ गुणा र प्रतिशेयर नेटवर्थ १११.२५ रुपैयाँ रहेको छ।
