काठमाडौं । मजदुर दिवसका अवसरमा गार्डियन माइक्रो लाइफ इन्स्योरेन्सले बुधबार जुम्ला सदरमुकाम चन्दननाथ नगरपालिकामा लघु जीवन बीमा सचेतना तथा अन्तर्क्रिया सम्पन्न गरेको छ ।
चन्दननाथ नगरपालिकाका मेयर राजुसिंह कठायतको प्रमुख आतिथ्यमा भएको कार्यक्रममा गार्डियन माइक्रो लाइफ इन्स्योरेन्सका प्रमुख कार्यकारी अधिकृत चिरायु भण्डारी तथा विभिन्न संघसंस्थाका प्रतिनिधि एवं सर्वसाधारणको उपस्थिति थियो । कार्यक्रममा न्यून आय भएका वर्ग, दूरदराजका सर्वसाधरणलाई बीमाको दायरामा ल्याउन स्थानीय निकाय तथा विभिन्न संघसंस्थासँग समन्वय गरी कार्य गर्ने र लघुबीमाका माध्यमबाट आर्थिक समुन्नतिमा टेवा पुग्नेबारे प्रमुख कार्यकारी अधिकृत भण्डारीले जानकारी दिए।
कार्यक्रममा मेयर कठायतले बीमा अनिवार्य हुनुपर्ने र सम्पूर्णमा पहुँच हुनुपर्नेमा जोड दिए।
कार्यक्रममा कम्पनीका मुख्य प्रबन्धक कैलाश देवकोटा तथा प्रदेश प्रमुख विमल खड्काको पनि उपस्थिति थियो भने कार्यक्रमको सञ्चालन कम्पनीका जुम्ला शाखाका प्रमुख रोशन श्रेष्ठले गरेका थिए।
