काठमाडौँ। कोरोना संक्रमणको जोखिम बढ्दै गएको हुँदा काठमाडौँका तीन वटै जिल्लाका प्रमुख जिल्ला अधिकारीहरूको बैठकले काठमाडौं उपत्यकाभित्र बैशाख १६ गतेदेखि निषेधाज्ञा जारी गर्ने भएको छ। आज सोमबार बसेको उपत्यकाका तीन जिल्लाका प्रमुख जिल्ला अधिकारीको संयुक्त बैठकले कोभिड १९ सङ्क्रमण दर बढिरहेकाले निषेधाज्ञा जारी गर्ने निर्णय गरेको जनाएको छ ।
निषेधाज्ञा अवधिभर अति आवश्यक बाहेकका सार्वजनिक तथा निजी सवारी यातायात समेत निषेध गरिने निर्णय भएको छ। सरकारले केहि समय अगाडि शैक्षिक संस्थाहरु पनि बन्द गर्ने निर्णय गरेको थियो । अहिले शहरी क्षेत्रका शैक्षिक संस्थाहरु बन्द भएका छन् भने विश्वविद्यालयहरुले तालिका अनुसार सम्पुर्ण परिक्षा स्थगित गरेका छन् ।
