काठमाडौं । आन्तरिक राजस्व विभागले बन्दाबन्दी भइरहदा पनि कर बुझाउने म्याद थप नगर्ने भएको छ । विभागले एक सूचना जारी गर्दै जेठ २५ गतेभित्र कर तथा कर विवरण बुझाउन निर्देशन दिएको छ । सोही समय अवधिभित्र कर लनबुझाएमा समय नथप्ने जनाएको हो।
कोभिड १९ को संक्रमणबाट उत्पन्न असहज परिस्थितिका कारण सरकारले कर विवरण, आय विवरण तथा कर दाखिला गर्ने म्याद पटक पटक थप्दै जेठ २५ गतेसम्म कायम गरेको थियो। सोही निर्णय अनुसार विभागले कर विवरण र कर तिर्न सूचना जारी गरेको हो। अब चाँही विभागले जेठ २५ गतेसम्ममा कर तथा कर विवरण नबुझाएमा शुल्क, थप दस्तुर, ब्याज तथा जरिवाना तिर्नुपर्ने बताएको छ।
कोरोना भाइरस महामारीका कारण देशमा बन्दाबन्दी भइरहदा पनि जेठ २५ गते सम्ममा व्यवसायीले बुझाउनुपर्ने सम्पूर्ण कर बुझाउनुपर्ने आन्तरिक राजस्व विभागले जनाइएको छ ।
