काठमाडौं । नेपाल बीमा प्राधिकरणको निर्देशन पछि प्रुडेन्सियल इन्स्योरेन्स कम्पनीले लाभांश संशोधन गरेको छ । कम्पनीले यस भन्दा अगाडी घोषणा गरेको ६.५० प्रतिशत बोनस शेयरलाई घटाएर ३.३२५ प्रतिशतमा झारेको छ ।
अव कम्पनीले चुक्ता पूँजी एक अर्ब १८ करोड रुपैयाँ बराबरको ३.३२५ प्रतिशतका दरले तीन करोड ९४ लाख रुपैयाँको बोनस शेयर वितरण गर्नेछ । त्यस्तै कर प्रयोजनका लागि ०.१७५ प्रतिशत अर्थात २० लाख ७५ हजार रुपैयाँ बराबरको नगद लाभांश वितरण गर्नेछ ।
प्रस्तावित लाभांश आगामी वार्षिक साधारणसभाबाट पारित भए पछि मात्रै शेयरधनीहरुले प्राप्त गर्नेछन् । कम्पनीले आइएमई जनरल इन्स्योरेन्स कम्पनी सँग मर्जरको सहमतिपत्रमा हस्ताक्षर गरिसकेको छ ।
1677498596393
