काठमाडौं । ट्रस्ट माइक्रो इन्स्योरेन्सले चालु आर्थिक वर्षको प्रथम त्रैमास (साउन–असोज)को अपरिष्कृत वित्तीय विवरण सार्वजनिक गरेको छ। वित्तीय विवरणअनुसार समीक्षा अवधिमा कम्पनीले ७९ लाख ५३ हजार रुपैयाँ घाटा व्यहोरेको छ।
प्रथम त्रैमासमा कम्पनीले ९४ लाख २६ लाख रुपैयाँ कुल बीमाशुल्क आर्जन गरेको छ। समीक्षा अवधिमा कम्पनीले २९ लाख ८८ हजार रुपैयाँ खुद बीमाशुल्क आर्जन गरेको छ। कम्पनी कमिसनबापत १४ लाख ८० हजार रुपैयाँ आम्दानी गरेको छ।
चुक्तापुँजी ५२ करोड ५० लाख रुपैयाँ रहेको कम्पनीको स्पेसल रिजर्भमा ६७ लाख ३१ हजार रुपैयाँ, महाविपत्ति कोषमा ६ लाख ७३ हजार रुपैयाँ र अन्य इक्विटीमा ६२ हजार ६३५ रुपैयाँ रहेको छ। कम्पनीको रिटेन्ड अर्निङ भने २० लाख ७७ हजार रुपैयाँले ऋणात्मक रहेको छ।
कम्पनीको बीमा कोषमा ५ करोड ६१ लाख रुपैयाँ रहेको छ। अघिल्लो वर्ष बीमा कोषमा २ करोड १७ लाख रुपैयाँ थियो।
