काठमाडौं । साताको अन्तिम दिन नेप्से ३.१७ अंकले घटेर ११४६.१७ बिन्दूमा झरेको छ । कुल १५५ वटा कम्पनीको १० लाख ६० हजार कित्ता शेयर २५ करोड ४३ लाख रुपैयाँभन्दा बढीको कारोबार भएको छ । होटल, विकास बैंक, उत्पादनमुलक क्षेत्र र अन्य समूह बाहेक सबै समूहको उपसुचक घटेको छ ।
यस दिन प्राइम कमर्सियले बैंकको संस्थापकतर्फको शेयर सबैभन्दा बढी कारोबार भएको छ । बैंकको आज ६ करोड रुपैयाँभन्दा बढीको कारोबार भएको छ ।
ग्लोबल आइएमई बैंकका लगानीकर्ताले सबैभन्दा धेरै कमाएका छन् । यस कम्पनीको शेयर मूल्य ८ प्रतिशतले बढेको छ । तर नबिल इक्विटी फन्डका लगानीकर्ताले भने सबैभन्दा धेरै गुमाएका छन् । यसको शेयर करिब १० प्रतिशतले घटेको छ ।
