काठमाडौं । नेपालमा थप ७ सय ८२ जनामा कोरोना संक्रमण पुष्टि भएको छ। योसँगै नेपालमा हालसम्म कोरोना संक्रमितको कुल सङख्या २ लाख ५२ हजार ४ सय ७४ पुगेको छ।
आज १ हजार २९ जना कोरोना संक्रमित डिस्चार्ज भएको स्वास्थ्य तथा जनसंख्या मन्त्रालयले जनाएको छ। हाल नेपालभर ९ हजार ३ सय १७ जना सक्रिय संक्रमित छन् भने ४ सय २७ जना क्वारेन्टिनमा रहेका छन्।
आज नेपालमा थप १६ जना कोरोना संक्रमितको मृत्यु भएको छ। योसँगै कोरोना संक्रमणको कारण ज्यान गुमाउनेको संख्या १ हजार ७ सय ६५ पुगेको मन्त्रालयले जनाएको छ।
