काठमाडौं । आज थप तीन हजार ६ सय ३७ जनामा कोरोना संक्रमण पुष्टि भएको छ। योसँगै नेपालमा कोरोना संक्रमितको कुल सङख्या १ लाख ४८ हजार ५ सय ९ पुगेको छ।
स्वास्थ्य मन्त्रालयका अनुसार बिहीबार तीन हजार २ सय १५ जना कोरोना संक्रमित डिस्चार्ज भएका छन् भने थप १५ हजार २ सय ५५ जनाको पीसीआर परीक्षण गरिएको मन्त्रालयले जनाएको छ ।
हाल देशभर सक्रिय संक्रमितको कुल संख्या ४४ हजार ८ सय ७७ रहेको छ भने ३ हजार ७ सय ५१ जना क्वारेन्टिनमा छन्।आज थप २१ जनाको कोरोनाबाट मृत्यु भएको छ। योसँगै नेपालमा कोरोनाबाट मृत्यु हुनेको संख्या आठ सय १२ पुगेको छ।
