काठमाडौं । थप तीन हजार ९३ जना कोरोना संक्रमित पुष्टि भएका छन् । स्वास्थ्य तथा जनसंख्या मन्त्रालयको नियमित ब्रिफिङ्मा डा.जागेशवर गौतमले यस्तो जानकारी दिएका हुन् ।
योसँगै नेपालमा कोरोना संक्रमितको संख्या एक लाख ३९ हजार १ सय २९ पुगेको छ। मन्त्रालयका अनुसार आज २ हजार १०८ जना कोरोना संक्रमित डिस्चार्ज भएका छन्। आज थप १३ हजार ८ सय ६१ जनाको पीसीआर परीक्षण गरिएको स्वास्थ्य मन्त्रालयले जनाएको छ।
