काठमाडौं । नेपालमा थप दुई हजार ६ सय ३८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालले नियमित ब्रिफिङ्मा डा. जागेश्वर गौतमले यस्तो जानकारी दिएका हुन् । योसँगै नेपालमा कोरोना संक्रमित संख्या एक लाख १७ हजार ९ सय ९६ पुगेको छ।
मन्त्रालयका अनुसार बुधबार दुई हजार १ सय ७४ जना कोरोना संक्रमित डिस्चार्ज भएका छन्। पछिल्लो २४ घण्टामा १३ हजार ९ सय ४७ जनाको पीसीआर परीक्षण गरिएको स्वास्थ्य मन्त्रालयले जनाएको छ।
साथै आज थप १२ जनाको कोरोनाबाट मृत्यु भएको छ। योसँगै नेपालमा कोरोनाबाट ज्यान गुमाउनेको कुलसंख्या ५ सय ७५ पुगेको छ।
