काठमाडौं। बिहिबार थप १ हजार ९ सय ११ जनामा कोरोना संक्रमण पुष्टि भएको छ । स्वास्थ्य मन्त्रालयको नियमित ब्रिफिङ्मा डा. जागेश्वर गौतमले यस्तो जानकारी दिएका हुन् ।योसँगै नेपालमा कोरोना संक्रमितको कुल संख्या ७९ हजार ७ सय २८ पुगेको छ।
मन्त्रालयका अनुसार आज ९ सय ६१ जना कोरोना संक्रमितहरु डिस्चार्ज भएका छन्। हालसम्म डिस्चार्ज हुनेको संख्या ५७ हजार ३ सय ८९ पुगेको छ।मन्त्रालयका अनुसार आज थप १२ हजार ४ सय ४४ जनाको पीसीआर परीक्षण गरिएको जनाएको छ।
