काठमाडौं । वुधवार थप १ हजार ५ सय ३९ जना कोरोना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले यस्तो जानकारी दिएका हुन् ।पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो ।
यो सँगै नेपालमा कुल कोरोना संक्रमितको सङख्या ५८ हजार ३ सय २७ जना पुगेको हो । पछिल्लो २४ घण्टामा १ हजार ६८ जना संक्रमणमुक्त भएका छन्। योसँगै हालसम्म ४१ हजार ६ सय जना निको भएर घर फर्किएका छन्।
