काठमाडौं । निर्जीवन लघु बीमकहरुले चालु आर्थिक वर्षको प्रथम त्रैमास (साउन–असोज)सम्म साढे १८ करोड रुपैयाँ बढीको व्यापार गरेका छन्।
नेपाल बीमा प्राधिकरणले आज सार्वजनिक गरेको तथ्यांकअनुसार समीक्षा अवधिसम्म ४ वटा निर्जीवन लघु बीमकले ६९ हजार ७९० वटा बीमालेख जारी गर्दै १८ करोड ५६ लाख ३९ हजार रुपैयाँ कुल बीमाशुल्क आर्जन गरेका हुन्।
सर्वाधिक व्यापार गर्नेमा नेपाल माइक्रो इन्स्योरेन्स रहेको छ। यो कम्पनीले २० हजार ७८० वटा बीमालेख जारी गर्दै ५ करोड ५० लाख ५३ हजार रुपैयाँ कुल बीमाशुल्क आर्जन गरेको छ।
दोस्रोमा प्रोटेक्टिभ माइक्रो इन्स्योरेन्स रहेको छ। यो कम्पनीले १५ हजार ५४६ वटा बीमालेख जारी गर्दै ४ करोड ६१ लाख २६ हजार रुपैयाँ कुल बीमाशुल्क आर्जन गरेको छ।
यसैगरी ट्रस्ट माइक्रो इन्स्योरेन्सले १४ हजार ८७४ वटा बीमालेख जारी गर्दै ४ करोड २६ लाख ५५ हजार रुपैयाँ र स्टार माइक्रो इन्स्योरेन्स १८ हजार ५९० वटा बीमालेख जारी गर्दै ४ करोड १८ लाख ५ हजार रुपैयाँ कुल बीमाशुल्क आर्जन गरेका छन्।
