काठमाडौं । जीवन बीमा कम्पनीहरुले पहिलो त्रैमासको अन्त्यसम्ममा बीमा अभिकर्ता कमिशनमार्फत ३ अर्ब ५० करोड रुपैयाँ बीमा अभिकर्ता कमिशनमार्फत अभिकर्ताहरुलाई दिएका छन् ।
बीमा कम्पनीहरुले प्रकाशन गरेको वित्तीय विवरण अनुसार असोज मसान्तसम्ममा सबैभन्दा धेरै नेपाल लाइफ इन्स्योरेन्सले अभिकर्ता कमिशनमा खर्चिएको छ । कम्पनीले यस अवधिमा ९६ करोड ८६ लाख रुपैयाँ अभिकर्तालाई कमिशन बापत वितरण गरेको छ । त्यस्तै, दोस्रोमा लाइफ इन्स्योरेन्स कर्पोरेशन नेपालले पहिलो त्रैमासको अवधिसम्मा ५४ करोड ३२ लाख रुपैयाँ बीमा अभिकर्ता कमिशनमा खर्चिएको छ ।
तेस्रोमा, नेशनल लाइफ इन्स्योरेन्स कम्पनी रहेको छ । कम्पनीको अभिकर्ता पहिलो त्रैमासको अवधिसम्ममा २९ करोड ८० लाख रुपैयाँ अभिकर्ता कमिशनमा खर्च गरेको छ ।
त्यस्तै, यस अवधिसम्ममा यूनियन लाइफले अभिकर्ता कमिशन मार्फत २९ करोड रुपैयाँ, सूर्या लाइफले २२ करोड रुपैयाँ, सिटिजन लाइफले २१ करोड रुपैयाँ, एसियन लाइफ इन्स्योरेन्सले १९ करोड रुपैयाँ, प्राइम लाइफले १२ करोड रुपैयाँ, मेट लाइफले ११ करोड रुपैयाँ, सूर्या लाइफले ११ करोड २१ लाख रुपैयाँ, गराँस लाइफले १० करोड रुपैयाँ बीमा अभिकर्ता कमीशनमा खर्चिएका छन् ।
त्यसैगरी, आइएमई लाइफले १० करोड रुपैयाँ, ज्योति लाइफले ९ करोड रुपैयाँ, रिलायन्स लाइफले ९ करोड रुपैयाँ, रिलायबल लाइफले ७ करोड रुपैयाँ, सरकारी स्वामित्वमा रहेको रािष्ट्रय बीमा संस्थानले ७ करोड रुपैयाँ सन नेपाल लाइफले ७ करोड रुपैयाँ, सानिमा लाइफले ६ करोड रुपैयाँ, महालक्ष्मी लाइफले ४ करोड रुपैयाँ, प्रभु लाइफले ४ करोड रुपैयाँ बीमा अभिकर्ता कमीशनमा खर्चिएका छन् ।
