काठमाडौं। तारागाउँ रिजेन्सी होटल्सले फागुन १४ गते २४ औ वार्षिक साधारणसभा डाकेको छ। होटल्सले आर्थिक वर्ष २०७६/७७ को मुनाफाबाट १० प्रतिशत नगद लाभांसको प्रस्ताव साधारणसभामा पेश गर्नेछ।
यस सधारणसभाले शेयरधनी समुह ‘ग’ बाट एक जना संचालकको निर्वाचन गर्ने जनाएको छ। कोभिड १९ को महामारीको कारण होटल्सले भर्चुअल माध्यमबाट साधारणसभा गर्ने भएको छ। साधारणसभा प्रयोजनका लागि होटल्सले माघ ३० गतेदेखि फागुन १४ गतेसम्म बुक क्लोज गर्ने भएको छ। माघ २९ गतेसम्म कायम शेयरधनीले प्रस्तावित लाभांस पाउनुका साथै साधारणसभामा भाग लिन पाउने छन्।
होटल्सले गत आर्थिक वर्षमा १६ करोड ९३ लाख रुपैयाँ मुनाफा आर्जन गरेको थियो। कोभिड १९ का कारण नेपाल सरकारले लकडाउन गर्नुका साथै विदेशी पर्यटकको आवागमन हुन नसक्दा मुनाफामा भारि गिरावट आएको हो। अघिल्लो आर्थिक वर्षमा होटल्सको मुनाफा ३५ करोड ३२ लाख रुपैयाँ थियो। मुनाफामा गिरावट सँगै होटल्सको प्रतिशेयर आम्दानी १८ रुपैयाँबाट ८ रुपैयाँमा खुम्चिएको छ।
