काठमाडौं । क्रेष्ट माइक्रो लाइफ इन्स्योरेन्स कम्पनीका अध्यक्ष ऋषिराज मोरले पद तथा गोपनीयताको सपथ ग्रहण गरेका छन्। मोरले नेपाल बीमा प्राधिकरणका अध्यक्ष सूर्यप्रसाद सिलवालसमक्ष आज सपथ ग्रहण गरेका हुन्।
गत चैत ५ गते सम्पन्न कम्पनीको प्रथम वार्षिक साधारणसभाबाट मोर संस्थापक शेयरधनी समूहबाट सदस्यमा निर्विरोध निर्वाचित भएका थिए। सोही सभापछि बसेको सञ्चालक समितिको बैठकले मोरलाई अध्यक्षमा नियुक्त गरेको थियो।
सभाले संस्थापक समूहबाट मोरसहित मृदुला सरिया, रोहित करण बैध र विदुर पुरी कम्पनीको सञ्चालक पदमा र्निविरोध निर्वाचित गरेको थियो। साथै, यसअघि नै स्वतन्त्र सञ्चालकमा पवित्रलाल चुकेलाई गरिएको नियुक्तिलाई सभाले स्वीकृति प्रदान गरेको थियो।
