काठमाडौं । तनहुँमा सोमबार ११ कोरोना संक्रमितहरु थपिएसँगै बन्दीपुर गाउँपालिकाले एकसातासम्म सबै सरकारी कार्यालय बन्द गर्ने बन्दीपुर गाउँपालिकाको निर्णय गरेको छ ।उक्त गाउँपालिकाका स्वास्थ्यकर्मी र सुरक्षाकर्मीमा समेत कोरोना पुष्टि भएसँगै गाउँपालिकाले असार ९ गतेदेखि लागू हुने गरी गाउँपालिकाले प्रदान गर्दै आएको सबै सेवाहरु एक हप्ताका लागि बन्द गर्ने निर्णय गरेको हो ।
गाउँपालिकाको सोमबार बसेको बैठकको निर्णय अनुसार संक्रमितहरुको सङख्या थप हुन नदिन गाउँपालिका र प्रहरी कार्यालय एक हप्ताका लागि बन्द गर्ने निर्णय गरेको गाउँपालिकाले जनाएको छ। गाउँपालिकाबाट ३४ जनाको स्वाब संकलन गरी जेठ २८ गते परीक्षणका लागि पठाइएकामा सोमबार उनीहरुमा कोरोना पोजिटिभ देखिएको गाउँपालिकाले एक सूचना जारी गर्दै जानकारी दिएको छ ।
