काठमाडौँ । नेपाली बजारमा लगातार २ दिन स्थिर रहेको सुनको भाउ आज भने घटेको छ । आज सोमबार सुनको मूल्य तोलामा एक सय रुपैयाँले घटेर प्रतितोला ९२ हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यस्तै, सोमबार तेजावी सुनको मूल्य पनि तोलाको एक सय रूपैयाँले नै घटेर प्रतितोला ९१ हजार ९ सय रुपैयाँमा कारोबार भइरहेको छ ।
आज चाँदीको मूल्य भने स्थिर रहेको छ । सोमबार पनि चाँदी प्रतितोला एक हजार २ सय रूपैयाँमा कारोबार भइरहेको महासंघले जनाएको छ ।
