काठमाडौं । आइएमई जनरल इन्स्योरेन्स र हस्पीटल फर एडभान्स मेडिसिन एण्ड सर्जरी (ह्याम्स) का बिचमा नगद रहित सेवाका सम्बन्धमा सम्झौता भएको छ । सम्झौतापत्रमा आइएमई जनरल इन्स्योरेन्स प्रमुख कार्यकारी अधिकृत युगेशभक्त बादे श्रेष्ठ र ह्याम्स हस्पिटलका कार्यकारी निर्देशक डा. जोतिन्द्र शर्माले हस्ताक्षर गरे ।
सम्झौता पश्चात आइएमई जनरल इन्स्योरेन्सबाट औषधोपचार बीमा सेवा खरिद गर्ने ग्राहकले बीमा लेखको सीमासम्म हयाम्स हस्पिटलबाट नगद रहित हस्पिटलाईजेशन सेवा पाउने छन् ।
साथै, इन्स्योरेन्सका प्रमुख कार्यकारी अधिकृत श्रेष्ठले ह्याम्स हस्पिटलले आफना ग्राहकलाई आइएमई जनरल इन्स्योरेन्ससँग आईजीआई औषधोपचार बीमालेख खरिद गरी अस्पतालसंग भएको सम्झौता अनुसारको सेवा बिस्तारमा सक्रिय भुमिका निर्वाह गर्ने विश्वास व्यक्त गरे ।
अस्पताल र अस्पतालसंग आवद्ध सदस्यहरुलाई औपाधोपचार लगायतका आवश्यक पर्ने सबै प्रकारका निर्जीवन बीमा सेवा आइएमई जनरल इन्स्योरेन्स लिमिटेडबाट प्राप्त गर्न सकिने कम्पनीले जनाएको छ ।
