काठमाडौं । भारतमा स्वास्थ्य बीमा प्रिमियम गत जनवरीमा वार्षिक रुपमा २७ प्रतिशतले बढेको छ। यो एक महिनामा भारु ५४.१५ अर्ब प्रिमियम संकलन भएको छ।
यो वृद्धि व्यक्तिगत स्वास्थ्य बीमा कभरहरुमा शून्य वस्तु तथा सेवा कर (जीएसटी)सहितको स्वास्थ्य बीमा कभरहरु सिर्जना गर्नु र स्वास्थ्य बीमाका बारेमा बढेको जागरुकताका कारण भएको मानिन्छ। जनरल इन्स्योरेन्स काउन्सिलको तथ्यांकअनुसार निर्जीवन बीमा कम्पनीहरुले वार्षिक रुपमा २०.४ प्रतिशत वृद्धि हासिल गर्दै भारु २१.८८ अर्ब स्वास्थ्य बीमा प्रिमियम संकलन गरेका छन्। जब कि स्ट्यान्डअलोन स्वास्थ्य बीमा कम्पनीहरुले वार्षिक रुपमा ३२.३ प्रतिशत वृद्धि हासिल गर्दै भारु ३२.२६ अर्ब प्रिमियम संकलन गरेका छन्।
स्वास्थ्य बीमा क्षेत्रको वृद्धि पनि मुख्यतया सरकारी योजनाहरुद्वारा सञ्चालित रहेको छ। जनवरीमा प्रिमियम आम्दानी भारु २४.८० अर्ब थियो। जुन अघिल्लो यही अवधिमा भारु १८ अर्बमात्र थियो।
यसबाहेक निजी बीमा कम्पनीहरुको स्वास्थ्य बीमा प्रिमियम यो वर्ष जनवरीमा वार्षिक रुपमा १७ प्रतिशतले बढेर भारु १७.४ अर्ब पुगेको छ। जब कि सार्वजनिक क्षेत्रका कम्पनीहरुले वार्षिक रुपमा ३ प्रतिशतले गिरावट देखेका छन्।
स्वतन्त्र स्वास्थ्य बीमा कम्पनीहरुले जीएसटी छुटबाट लाभ उठाउन जारी राखेका छन्। प्रिमियम आम्दानी वार्षिक रुपमा २३ प्रतिशतले बढेको छ। –एजेन्सी
