काठमाडौं । अमेरिकामा घर बेच्ने र खरिद गर्नेहरुबीचको खाडल द्रुत गतिमा बढिरहेको छ।
अमेरिकामा घर बेच्नेहरुको संख्या १९ लाख २२ हजार ४६ पुगेको छ। यो मार्च २०२० पछिको सबैभन्दा उच्च हो।
त्यस्तै, घर किन्नेहरुको संख्या १४ लाख १४ हजार ३३१ मा झरेको छ। जुन अप्रिल २०२० पछिको सबैभन्दा कम हो।
यसरी अमेरिकामा घर बेच्ने र खरिद गर्नेहरुको संख्याबीचको भिन्नता रेकर्ड ५ लाख ८ हजार ७१५ पुगेको छ। अर्थात्, अमेरिकामा घर बेच्ने र खरिद गर्नेहरुबीचको भिन्नता ३६ प्रतिशत पुगेको छ। जुन एक वर्षअघि मात्र ७ प्रतिशत थियो।
मानिसहरुको अनुमान छ कि अमेरिकाको केन्द्रीय बैंक फेडरल रिजर्भ (फेड)ले आगामी दिनमा ब्याजदर घटाउन सक्छ। जसले घरको मूल्य घटाउनेछ। विज्ञहरु भन्छन्, ‘फेडले आगामी दिनमा दरहरु घटाउन सक्छ, त्यसपछि घर बेच्ने र खरिद गर्नेहरुबीच सन्तुलन स्थापित हुनेछ।’
हालैका वर्षहरुमा अमेरिकामा घरको मूल्य उल्लेखनीय रुपमा बढेको छ र ऋण पनि महँगो भएको छ। दर कटौतीले घरको बिक्री बढाउन सक्छ।
केही मानिसले यो पनि तर्क गर्छन् कि आगामी दिनहरुमा मानिसहरुको तलब बढ्न सक्छ। ट्रम्पले विश्वका धेरै देशमा कर लगाएका छन्। जसका कारण आगामी दिनमा सरकारी कोषमा धेरै पैसा आउने अपेक्षा गरिएको छ।
अमेरिकामा घरको मूल्य हाल अहिलेसम्मकै उच्च छ। नेसनल एसोसिएसन अफ रियाल्टर्सको तथ्यांकअनुसार गत जुनमा घरको औसत मूल्य ४ लाख ३५ हजार ३०० डलर थियो। यो अहिलेसम्मकै उच्च हो।
विगत ५ वर्षमा अमेरिकामा घरको मूल्य लगभग ५० प्रतिशतले बढेको छ। जुनमा घरको बिक्री ९ महिनामा सबैभन्दा कम थियो। अब यो अपेक्षा गरिएको छ कि फेड रिजर्भले आगामी दिनहरुमा ब्याजदर घटाउन सक्छ। जसले घरको बिक्रीलाई तीव्र बनाउन सक्छ।
राष्ट्रपति डोनाल्ड ट्रम्पले पनि ब्याजदरमा ३ प्रतिशत कटौतीको माग गरेका छन्। –एजेन्सी
