काठमडौं । शेयर बजार नयाँ वर्षको पहिलो कारोबार दिन बुधबार दोहोरो अंकले बढेको छ। यो दिन नेप्से परिसूचक ३३.२७ अंकले बढेर २८६६.८७ को विन्दुमा बन्द भएको हो।
बजार बढ्दा नेप्से उपसमूहमा रहेका १३ वटै समूहमा हरियाली छाएको छ। यो दिन होटल तथा पर्यटन समूहमा सर्वाधिक ३.१६ प्रतिशतको बढोत्तरी भएको छ।
यो दिन बजारमा २२१ कम्पनीको शेयरभाउ बढेको छ भने ४५ कम्पनीको घटेको छ। आज ३ कम्पनीको शेयरभाउ स्थिर रहेको छ।
बजारमा आज साढे १० अर्ब रुपैयाँ बढीको कारोबार भएको छ। सर्वाधिक कारोबार शिवम सिमेन्टको भएको छ।
उच्च कारोबार भएका १० कम्पनी
- शिवम सिमेन्टः ५८ करोड ९ लाख रुपैयाँ
- नेसनल हाइड्रोपावरः ५७ करोड ११ लाख रुपैयाँ
- रिलायन्स स्पिनिङ मिल्सः ४९ करोड ४१ लाख रुपैयाँ
- सोलु हाइड्रोपावरः ४१ करोड ३२ लाख रुपैयाँ
- रिडी पावरः ३७ करोड ६५ लाख रुपैयाँ
- ङादी ग्रुप पावरः ३२ करोड ७३ लाख रुपैयाँ
- हिमाल दोलखा हाइड्रोपावरः २९ करोड ८३ लाख रुपैयाँ
- आँखुखोला जलविद्युतः २९ करोड ४७ लाख रुपैयाँ
- कुमारी बैंकः २७ करोड ४६ लाख रुपैयाँ
- शिवश्री हाइड्रोपावरः २४ करोड १६ लाख रुपैयाँ
