काठमाडौं । ह्वाट्सएपले एउटा नयाँ अपडेट जारी गरेको छ। जसले आईफोन प्रयोगकर्तालाई एउटै डिभाइसमा थुप्रै अकाउन्ट चलाउन अनुमति दिनेछ। यो अपडेट हाल बिटामा आईओएसका लागि जारी गरिएको छ र सीमित संख्यामा प्रयोगकर्तालाई रोल आउट गरिएको छ।
यो जानकारी डब्ल्यूएबिटाइन्फोले दिएको हो। एक प्लेटफर्म ह्वाट्सएपले ल्याउन लागेको आगामी फिचरहरु ट्रयाक गर्दछ। यो फिचरलाई मल्टी–अकाउन्ट भनिन्छ। एन्ड्रोइड प्रयोगकर्तासँग पहिले नै यो फिचर छ।
धेरै मानिसहरुसँग दुई सिम कार्ड वा मोबाइल नम्बरहरु हुन्छन्। एउटा व्यक्तिगत प्रयोगका लागि र अर्को कामका लागि। अहिलेसम्म आइफोन प्रयोगकर्ता एउटै एपमा दुवै अकाउन्ट प्रयोग गर्न असमर्थ थिए। जसले गर्दा उनीहरुलाई ह्वाट्सएप बिजनेस एप प्रयोग गर्न आवश्यक थियो। जुन स्थायी समाधान थिएन।
ह्वाट्सएपले अब मल्टी–अकाउन्ट नामक नयाँ फिचर जारी गरेको छ। जुन हाल परीक्षणमा छ। यो हाल आइफोन प्रयोगकर्ताका लागि परीक्षण भइरहेको छ। नयाँ फिचरअन्तर्गत प्रयोगकर्ताले अकाउन्टहरुको सूची फेला पार्नेछन्। जहाँ तिनीहरु अकाउन्टहरुबीच स्विच गर्न सक्छन्। यो सेटिङ्समा अप्सन वा प्रोफाइल आइकनको छेउमा रहेको बटनमार्फत गर्न सकिन्छ।
यद्यपि, आइफोन प्रयोगकर्ताले पहिले सेटिङहरुमा प्रदान गरिएको अकाउन्टमा दोस्रो नम्बर थप्नुपर्नेछ। लगइन प्रक्रिया पूरा भएपछि प्रयोगकर्ताले सजिलैसँग दुईवटा अकाउन्टबीच स्विच गर्न सक्नेछन्।
ह्वाट्सएपमा आगामी मल्टी–अकाउन्ट फिचरअन्तर्गत प्रयोगकर्ता प्राथमिकतालाई ध्यानमा राखिनेछ। प्रत्येक अकाउन्टको आफ्नै सेटिङ हुनेछन्। यदि प्रयोगकर्तासँग धेरै अकाउन्ट छन् र तिनीहरुको सेटिङहरु र पिन गरिएका म्यासेजहरु फरक छन् भने ती सेटिङहरु एपभित्र अकाउन्टहरु स्विच गर्दा अटोमेटिक रुपमा परिवर्तन हुनेछन्।
