काठमाडौं । नेपाली बजारमा डलरको भाउ फेरि नयाँ उचाइमा पुगेको छ।
नेपाल राष्ट्र बैंकले निर्धारण गरेको विनिमय दरअनुसार आज अमेरिकी डलरको खरिददर १४२.८८ रुपैयाँ र बिक्रीदर १४३.४८ रुपैयाँ कायम भएको छ। यो हालसम्मकै उच्च हो। यसअघि अमेरिकी डलरको भाउ खरिददर १४१.७८ रुपैयाँ र बिक्रीदर १४२.३८ रुपैयाँसम्म पुगेको थियो।
डलरको भाउ बढ्दाको प्रत्यक्ष प्रभाव विश्व बजारसँगै नेपाली बजारमा पर्नेछ। डलरको तुलनामा नेपाली मुद्रा इतिहासमै कमजोर बनेको छ।
डलरको भाउ बढ्दा मुलुकको व्यापार घाटा झन् बढ्न सक्छ। किनकि नेपालको निर्यातभन्दा आयात धेरै हुने गरेको छ। अर्कोतर्फ डलरको भाउ बढ्दा रेमिट्यान्स पठाउनेलाई फाइदा हुन्छ।
