काठमाडौं । विद्युतीय भुक्तानी कार्डमार्फत सेवाग्राहीले विभिन्न सेवाको उपभोग गर्न पाउँछन्।
नेपाल राष्ट्र बैंकबाट अनुमतिप्राप्त भुक्तानीसम्बन्धी कार्य गर्ने संस्थाहरु (बैंक तथा वित्तीय संस्था र बैंक तथा वित्तीय संस्थाबाहेकका सेवा प्रदायक संस्था)ले विद्युतीय भुक्तानी कार्ड आफ्ना सेवाग्राहीलाई उपलब्ध गराउँछन्। त्यस्ता कार्डमा प्रिपेड कार्ड, डेबिट कार्ड, क्रेडिट कार्ड हुन्छन्।
ती कार्डमा निम्नलिखित सेवा उपभोग गर्न सकिन्छः
- खातामा रहेको मौज्दात तथा कारोबारसम्बन्धी विवरण प्राप्त गर्न सकिन्छ।
- अटोमेटेड टेलर मेसिन (एटीएम) वा क्यास डिपोजिट मेसिनबाट नगद कारोबार गर्न सकिन्छ।
- वस्तु खरिद वा सेवा उपभोग गरेबापतको रकम प्वइन्ट अफ सेल (पीओएस), प्वइन्ट अफ ट्रान्ज्याक्सन (पीओटी) मेसिन, इन्टरनेट वा अन्य विद्युतीय माध्यमबाट भुक्तानी गर्न सकिन्छ।
- विद्युत माध्यमबाट तेस्रो पक्षको खातामा रकमान्तर गर्न सकिन्छ।
सेवाग्राहीले विद्युतीय कार्डहरु लिँदा त्यससँग सम्बन्धित विषयमा जानकारी लिने गर्नुपर्छ।
