काठमाडौं । नेको इन्स्योरेन्सको ६ लाख कित्ता शेयर आज चैत १५ गतेबाट बिक्रीमा राखिएको छ।
कम्पनीको संस्थापक समूहको शेयर लिलामी प्रक्रियामार्फत बिक्रीमा राखिएको हो। यो शेयरमा इच्छुक योग्य जोकोही व्यक्ति तथा संस्थाले खरिदका लागि बोलपत्र पेस गर्न सक्नेछन्।
बिक्रीमा राखिएको शेयरको न्यूनतम मूल्य प्रतिकित्ता २६० रुपैयाँ तोकिएको छ। यसको अर्थ बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ। बोलपत्र पेस गर्दा सम्पूर्ण कित्ता खरिदका लागि आवेदन दिनुपर्नेछ।
बोलपत्र चैत २९ गतेसम्म अपराह्न १ बजेभित्र पेस गरिसक्नुपर्नेछ। बोलपत्र काठमाडौंको बागदरबारस्थित माछापुच्छ्रे क्यापिटलमा पेस गर्नुपर्नेछ।
