काठमाडौं । एनएलजी इन्स्योरेन्सले गत आर्थिक वर्ष २०८२।८३ को दोस्रो त्रैमास (साउन–पुस)सम्मको अपरिष्कृत वित्तीय विवरण सार्वजनिक गरेको छ । कम्पनीले प्रकाशन गरेको वित्तीय विवरण अनुसार नाफा घटेको छ भने अन्य वित्तीय सूचक बढेका छन् ।
चालु आर्थिक वर्षको पुससम्म कम्पनीको विशेष जगेडामा १ अर्ब ३९ करोड रुपैयाँ, महाविपत्ति कोषमा ८ करोड ७१ लाख रुपैयाँ, रिटेन्ड अर्निङमा २२ लाख ७२ हजार रुपैयाँ र अन्य इक्विटीमा १४ करोड ४० लाख रुपैयाँ रहेको छ। अघिल्लो वर्षको असार मसान्तसम्म विशेष जगेडामा १ अर्ब ३९ करोड रुपैयाँ, महाविपत्ति कोषमा ८ करोड ६५ लाख रुपैयाँ, रिटेन्ड अर्निङमा ९ करोड १३ लाख रुपैयाँ र अन्य इक्विटीमा १७ करोड ६६ लाख रुपैयाँ रहेको थियो।
वित्तीय विवरणअनुसार कम्पनीले चालु आर्थिक वर्षको पहिलो ६ महिनामा १ करोड १० लाख रुपैयाँ नाफा कमाएको छ । अघिल्लो आर्थिक वर्ष २०८१।८२ को यही अवधिसम्म कम्पनीले ७ करोड ४५ लाख रुपैयाँ नाफा आर्जन गरेको थियो। अघिल्लो वर्षको यसै अवधिको त’लनामा कम्पनीको नाफा ८५ प्रतिशतले कमी हो ।
दोस्रो त्रैमाससम्म कम्पनीले १ अर्ब ६३ करोड ६० लाख रुपैयाँ कुल बीमाशुल्क आर्जन गरेको छ। अघिल्लो वर्ष पुससम्म कम्पनीले १ अर्ब २३ करोड ७१ लाख रुपैयाँ कुल बीमाशुल्क आर्जन गरेको थियो। अघिल्लो वर्षको तुलनामा कम्पनीको कुल बीमाशुल्क आर्जन बढेको छ।
कम्पनीले समीक्षा अवधिसम्म ४५ करोड १९ लाख रुपैयाँ खुद बीमाशुल्क आर्जन गरेको छ। अघिल्लो वर्षको सोही अवधिसम्म कम्पनीले ४४ करोड ३५ लाख रुपैयाँ खुद बीमाशुल्क आर्जन गरेको थियो। अघिल्लो वर्षको तुलनामा खुद बीमाशुल्क सामान्य बढेको छ ।
समीक्षा अवधिमा शेयरपुँजी २ अर्ब ५६ करोड रुपैयाँ रहेको कम्पनीको वार्षिकीकृत प्रतिशेयर आम्दानी ० दमलव ८६ पैसा रहेको छ। कम्पनीको प्रतिशेयर नेटवर्थ १७४ रुपैयाँ १५ पैसा रहेको छ ।
