काठमाडौं । पश्चिम एसियामा फेरि एक पटक युद्धका बादलहरु मडारिएका छन्। अमेरिका र इरानबीच विगत केही दिनदेखि बढेको तनाव अब खुला सैन्य टकरावमा परिणत हुँदै गएको देखिन्छ।
इरानले आइतबार विश्वको सबैभन्दा मत्वपूर्ण समुद्री व्यापार मार्गहरुमध्ये एक होर्मुजलाई ‘अर्को सूचना नभएसम्म’ बन्द गर्ने घोषणा गरेको छ। यो घोषणाको केही घन्टापछि अमेरिकाले धेरै इरानी सैन्य अड्डाहरु र रणनीतिक क्षेत्रहरुमा ताजा हवाई आक्रमण सुरु गरेको छ। दुई देशबीचको यो बढ्दो तनाव फेरि एकपटक विश्वव्यापी तेल र ग्यास आपूर्तिका लागि ठूलो खतरा बनेको छ।
इरानको इस्लामिक रिभोलुसनरी गार्ड कोप्र्सको नौसेनाले एक विज्ञप्ति जारी गर्दै भनेको छ, ‘एउटा जहाजले तोकिएको समुद्री मार्ग उल्लंघन गरेको थियो र आफ्नो नेभिगेसन प्रणालीहरु पनि बन्द गरेको थियो। चेतावनीको बाबजुद जहाजले मार्ग परिवर्तन गरेन। त्यसपछि यसलाई लक्षित गरिएको थियो।’
कोप्र्सले धेरै अन्य जहाजहरुले पनि अनधिकृत मार्गहरुबाट पारवहन गर्ने प्रयास गरेको जनाएको छ। त्यसपछि इरानले अर्को सूचना नभएसम्म सम्पूर्ण होर्मुज बन्द गर्ने निर्णय गरेको हो।
इरानको कदमलगत्तै अमेरिकाले आफ्नो प्रतिशोधात्मक कारबाही तीव्र पार्यो। आइतबार अमेरिकी सेनाले दक्षिणी क्षेत्रमा धेरै इरानी सैन्य अड्डा, कोप्र्ससम्बद्ध सुविधाहरु र रणनीतिक प्रतिष्ठानहरुविरुद्ध नयाँ हवाई आक्रमणहरु सुरु गरेको छ। यो लगातार दोस्रो दिन अमेरिकाले इरानी सैन्य लक्ष्यहरुलाई लक्षित गरेको पछिको कुरा हो। अमेरिकाले आरोप लगाएको छ कि इरानले यस हप्ता कतार र साउदी अरेबियाका तीन व्यावसायिक ट्यांकरहरुमा आक्रमणको योजना बनाएको थियो। जसले गर्दा प्रतिशोधात्मक आक्रमणहरु भएका छन्।
अमेरिकी केन्द्रीय कमान्डका अनुसार यस हप्ता इरानविरुद्ध सुरु गरिएको तेस्रो चरणको सैन्य कारबाही हो। अमेरिकाले दाबी गरेको छ कि यो आक्रमण इरानको इस्लामिक रिभोलुसनरी गार्ड कोप्र्सले साइप्रस–झन्डा भएको कन्टेनर जहाजमा होर्मुज पार गर्दै गर्दा आक्रमण गरेको प्रतिक्रियामा गरिएको थियो। –एजेन्सी
