काठमाडौं । साताको पहिलो कारोबार दिन आइतबार शेयर बजार उच्च अंकले बढेको छ। नेप्से परिसूचक ५४.५१ अंकले बढेर २९३१.५५ को विन्दुमा बन्द भएको छ।
बजार बढ्दा नेप्से उपसमूहमा रहेका १२ वटा समूह बढेका छन् भने एउटा घटेको छ। यो दिन लघुवित्त समूह सर्वाधिक ४.२१ प्रतिशतले बढ्दा व्यापार समूहमा ०.११ प्रतिशतको गिरावट आएको छ।
आज नेप्सेमा सूचीकृतमध्ये १८३ कम्पनीको शेयरभाउ बढेको छ भने ७३ कम्पनीको घटेको छ। यो दिन ८ कम्पनीको शेयरभाउ स्थिर रहेको छ।
बजारमा आज साढे २३ अर्ब रुपैयाँ बढीको कारोबार भएको छ। सर्वाधिक कारोबार कुमारी बैंकको भएको छ।
उच्च कारोबार १० कम्पनी
- कुमारी बैंकः ८५ करोड ९६ लाख रुपैयाँ
- नेसनल हाइड्रोपावरः ७७ करोड ८७ लाख रुपैयाँ
- शिवम सिमेन्टः ७५ करोड २६ लाख रुपैयाँ
- ङादी ग्रुप पावरः ७२ करोड लाख रुपैयाँ
- हिमाल दोलखा हाइड्रोपावरः ७१ करोड ४ लाख रुपैयाँ
- आँखुखोला जलविद्युतः ७० करोड ७२ लाख रुपैयाँ
- रिडी पावरः ४८ करोड १८ लाख रुपैयाँ
- बलेफी हाइड्रोपावरः ४१ करोड ५ लाख रुपैयाँ
- सानिमा मिडिल तमोरः ३७ करोड ५३ लाख रुपैयाँ
- शिवश्री हाइड्रोपावरः ३६ करोड ९५ लाख रुपैयाँ
