काठमाडौं । आज शेयर बजार नेप्से परिसूचक २६ दशमलव ५३ अंकले बढेर २,६२२ को विन्दुमा कायम भएको छ । आज १८५ कम्पनीको शेयर मूल्य बढेको छ भने ६३ कम्पनीको मात्रै शेयर मूल्य घटेको छ ।
आज सबैभन्दा धेरै सप्तकोशी डेभलपमेन्ट बैंकका लगानीकर्ताले कमाएका छन् । आज यस कम्पनीका लगानीकर्ताले ९ दशमलव ९९ प्रतिशतका दरले कमाएका हुन् । विन्ध्यावासीनी हाइड्रोपावरका लगानीकर्ताले ८ दशमलव ९७ प्रतिशतका दरले कमाएका छन् । माछापुच्छ्रे बैंकका डिबेञ्चर इकाईधनीले ८ दशमलव १० प्रतिशतका दरले कमाएका छन् । ग्रिन भेञ्चरका इकाईधनीले ६ प्रतिशतका दरले कमाएका छन् ।
