काठमाडौं । प्रतिनिधिसभा सदस्य निर्वाचनअन्तर्गत बिहीबार दिउँसो २ बजेसम्म देशभरि करिब सवा ६२ लाख मत खसेको छ।
देशभरिका १६५ निर्वाचन क्षेत्रमा दिउँसो २ बजेसम्म ६२ लाख २० हजार ४२ मत खसेको हो । सबैभन्दा बढी काठमाडौं उपत्यकामा ४७ प्रतिशत मत खसेको छ भने गण्डकी प्रदेशमा ३९ प्रतिशत मत खसेको छ ।
देशभरिका १० हजार ९६७ मतदान स्थलमा केहीबाहेक सबैतिर बिहान ७ बजेदेखि मतदान भइरहेको छ । अहिलेसम्म जम्मा देशभर कुल ३३ प्रतिशत मत खसेको छ । जसमा उपत्यकाका तीन जिल्ला काठमाडौं, ललितपुर र भुक्तापुरमा अहिलेसम्म ५ लाख ५२ हजार ८८६ मत अर्थात ४७ प्रतिशत खसेको छ।
कुन प्रदेशमा कति खस्यो मत ?
- कोशीमा ११ लाख ४९ हजार ५७१ मत (३२ प्रतिशत)
- मधेशमा १० लाख २४ हजार ४४१ मत (२८ प्रतिशत)
- बागमती (उपत्यकाबाहेक)मा ८ लाख ५३ हजार ५२९ मत (३४ प्रतिशत)
- गण्डकीमा ७ लाख २४ हजार १३० मत (३९ प्रतिशत)
- लुम्बिनीमा ९ लाख ७७ हजार ४१९ मत (२९ प्रतिशत)
- कर्णालीमा ३ लाख ५९ हजार ५१५ मत (३६ प्रतिशत)
- सुदूरपश्चिममा ५ लाख ६८ हजार ५५१ मत (३३ प्रतिशत)
