काठमाडौं । साताको पहिलो कारोबार दिन आइतबार शेयर बजार दोहोरो अंकले उकालो लागेको छ। नेप्से परिसूचक ३१.१२ अंकले बढेर २६७२.५५ को विन्दुमा उक्लिएको हो।
बजार बढ्दा नेप्से उपसमूहमा रहेका १३ वटै समूहमा हरियाली छाएको छ। यो दिन वित्त समूह सर्वाधिक ५.७३ प्रतिशतले उकालो लागेको छ।
आज बजारमा २२४ कम्पनीको शेयरभाउ बढेको छ भने ३१ कम्पनीको घटेको छ। यो दिन ५ कम्पनीको शेयरभाउ स्थिर रहेको छ।
यो दिन बजारमा ८ अर्ब ४० करोड रुपैयाँ बढीको कारोबार भएको छ। सर्वाधिक कारोबार मञ्जुश्री फाइनान्सको भएको छ।
उच्च कारोबार भएका १० कम्पनी
- मञ्जुश्री फाइनान्सः ५३ करोड १६ लाख रुपैयाँ
- एसवाई प्यानलः ३७ करोड ३९ लाख रुपैयाँ
- श्रीनगर एग्रीटेकः २८ करोड ४५ लाख रुपैयाँ
- बन्दीपुर केबलकारः २५ करोड ८३ लाख रुपैयाँ
- राधी विद्युतः २४ करोड ९४ लाख रुपैयाँ
- सागर डिस्टिलरीः २४ करोड ६९ लाख रुपैयाँ
- ङादी ग्रुप पावरः १७ करोड ४३ लाख रुपैयाँ
- लुम्बिनी विकास बैंकः १६ करोड ८६ लाख रुपैयाँ
- एनआरएन इन्फ्रास्ट्रक्चरः १५ करोड ९४ लाख रुपैयाँ
- बुटवल पावरः १५ करोड ६७ लाख रुपैयाँ
