काठमाडौं । स्विस रिले एसियाको स्वास्थ्य र मृत्युदर सुरक्षा अन्तर सन् २०२४ मा समग्रमा ३९० अर्ब डलर पुग्ने प्रक्षेपण गरेको छ। यसले एसियाली क्षेत्रभरि कम बीमा कभरेजलाई प्रतिविम्बित गर्दछ।
स्विच रिका प्रतिवेदनअनुसार मुख्यतया बढ्दो चिकित्सा लागत र वृद्ध जनसंख्याको कारणले स्वास्थ्य सुरक्षा अन्तर (एचपीजी) सन् २०१७ बाट २१ प्रतिशतले बढेर २५८ अर्ब डलर पुगेको छ। चीन १४३ अर्ब डलरको एचपीजीका साथ अग्रणी स्थानमा छ। त्यसपछि भारत (४३२ अर्ब) र जापान (४२४ अर्ब) छन्।
मृत्युदर सुरक्षा अन्तर (एमपीजी) १३२ अर्ब डलर पुगेको छ। जुन २०१७ बाट ३५ प्रतिशतले बढेको छ। यो अन्तरको ८० प्रतिशतभन्दा बढी उदीयमान बजारहरुबाट आएको छ। जहाँ बीमा कभरेजले आय वृद्धिसँग तालमेल राखेको छैन।
स्विस रिको सर्वेक्षणले विशेषगरी उदीयमान एसियामा १२ बजारका १२ हजारभन्दा बढी उपभोक्तामा गरिएको जीवन र स्वास्थ्य बीमाको लागि बलियो माग फेला पारेको छ। धेरैजसो बजारमा दीर्घकालीन र गम्भीर रोगको उपचारको लागतको कारणले गर्दा खल्तीबाट हुने स्वास्थ्य सेवा खर्चले वित्तीय तनाव बढाएको छ। बीमा अपनाउने बाधाहरुमा मूल्य निर्धारण चिन्ता, सीमित बुझाइ र आर्थिक अनिश्चितता समावेश छ।
स्विस रिले यो खाडललाई पूरा गर्न मद्दत गर्न जीवन र स्वास्थ्य उत्पादन र निवारक हेरचाह जस्ता मूल्य अभिवृद्धि सेवा समावेश गर्न सिफारिस गरेको छ।
