काठमाडौं । आज शेयर बजार भारी अंकले बढेर बन्द भएको छ । चुनावको चहलपहल भएसँगै नेप्सेले सकारात्मक गति लिएको हो । आज नेप्से परिसूचक ५७ दशमलव ५५ अंकले बढेर २,७७२ को विन्दुमा कायम भएको छ । आज २४० कम्पनीको शेयर मूल्य बढेको छ भने १९ कम्पनीको शेयर मूल्य घटेको छ ।
आज दिनभरिमा ३३१ कम्पनीको ३ करोड ९ लाख १५ हजार १८३ कित्ता शेयर किनबेच हुँदा १३ अर्ब ७८ करोड माथिको शेयर कारोबार भएको छ । आज सबैभन्दा धेरै आँखुखोला जलविद्युत कम्पनीको शेयर कारोबार भएको छ । आज यस कम्पनीको ४३ करोड ५९ लाख रुपैयाँको शेयर कारोबार भएको छ । ग्रिन भेञ्चरको ३९ करोड ७७ लाख रुपैयाँको शेयर कारोबार भएको छ । शिवम् सिमेन्टको ३२ करोड माथिको शेयर कारोबार भएको छ ।
आज सबैभन्दा धेरै १२ कम्पनीका लगानीकर्ताले कमाएका छन् । आज सकारात्मक सर्किट लागेका १२ कम्पनीमध्ये ८ कम्पनीका लगानीकर्ताले १० प्रतिशतका दरले कमाएका छन् भने चार कम्पनीका लगानीकर्ताले ९ दशमलव ६५ प्रतिशतभन्दा बढीका दरले कमाएका छन् ।
आज सबैभन्दा धेरै एभरेष्ट बैंकका डिबेञ्चर इकाईधनीले गुमाएका छन् । आज यसका इकाईधनीले ५ दशमलव ८० प्रतिशतका दरले गुमाएका हुन् ।
